top of page
mitt salt í þínu tári
heimski akurbóndinn
hvaða bóndi vökvar akur sinn
með einni bunu sem beint er á lítinn blett?
þar sem restin gerir sér úðan að góðu?
svo heimskan akurbónda er hvergi að finna
sem deilir vatninu eins og veröldin auðinum
og því er hvergi að finna jafn illa hirtan akur
og heiminn
jafn vænlegan fyrir villtustu illgresi
jafn vænlegan fyrir þurrka
jafn vænlegan fyrir flóð
jafn vænlegan fyrir ofvöxt
jafn vænlegan fyrir eyðimörk
jafn vænlegan fyrir skort
jafn vænlegan fyrir heimskulegt hjal og hégóma
sem halda augum okkar negldum á naflanum
jafn vænlegan fyrir kraftaverk sem aldrei gerist
því þessi akfeiti úlfaldi fer aldrei í gegnum nálaraugað
bottom of page