Vagninn fór um veginn og fram á leið

​

Vagninn fór um veginn og fram á leið,

og vegurinn skánaði hvorki né versnaði fyrir vikið.

Svona eru mannanna verk í þessum heimi.

Við komum tómhent og hverfum tómhent í algleymið.

Og alltaf kemur sólin jafn áreiðanleg með fangið fullt.

 

​

Þetta

​

Hlustaðu ekki á skrílinn

ég færi ekki í stílinn

en það er andagiftin sem heldur um blýið.

Ég nota ekki hjartaprýði.

​

Draumar og upplifanir

sem og harmur allur

er sem útsýnispallur

yfir aðrar lendur

þar sem allt er fagurt.

 

Því skrifa ég í fjarskans fangi

fjarri mínu hugarangri

um það sem ekki er.

Finna má á sínu skinni

sá sem þetta les.